ހުޅުމާލެ އިން 14 އަހަރުގެ އަންހެން ކުއްޖަކު ގެއްލިގެން ހޯދަން ފަށައިފި އެވެ.
މީގެ ދެ ދުވަސްކުރިން ގެއިން ނުކުމެގެން ދިއުމުން، ފުލުހުން ހޯދަމުން އަންނަނީ ޝިބާ ރަޝީދު، ރ. ދުވާފަރު، ސިކްސް ސެންސް އެވެ.
ފުލުހުން ބުނީ ހުޅުމާލެ ފޭސްދޭއްގައި ދިރިއުޅޭ ޝިބާ މިދިޔަ ހުކުރު ދުވަހު ފަތިހު 5:55 ހާއިރު ގެއިން ނުކުމެގެން ދިޔަގޮތަށް ވީނުވީއެއް ނޭނގި ގެއްލިފައިވާ ކަމަށް އާއިލާއިން ހުކުުރު ދުވަހު ރިޕޯޓުކޮށްފަައިވާ ކަމަށެވެ.
ފުލުހުންނަށް މައުލޫމާތު ލިބުމާ އެކު ކަމާގުޅުން ހުރި އިދާރާތަކަށް އެކަމުގެ މައުލޫމާތު ހިއްސާކޮށް، ކުއްޖާ ހޯދުމުގެ މަސައްކަތް ފަށާފައިވާ ކަމަށް ވެސް ފުލުހުން ބުންޏެވެ.
އެ ކުއްޖާއާ ބެހޭ އެއްވެސް މައުލޫމާތެއް ލިބިފައިވާ ނަމަ ހުޅުމާލެ ސީރިއަސް ކްރައިމް އިންވެސްޓިގޭޝަންގެ ނަންބަރު 9113900 އަށް ގުޅައި މައުލޫމާތު ހިއްސާކުރަން ފުލުހުން އެދެ އެވެ.
ފުރާވަރުގެ ކުޑަ ކުދިންނާއި ބައެއް އާއްމުން ގެއްލިގެން ދޭތެރެދޭތެރެއިން ފުލުހުން އިއުލާން ކުރެ އެވެ.
