އައްޑޫ ސިޓީގެ ނަންމަޝްހޫރު ލިޔުންތެރިޔާ އަބްދުﷲ ޞާދިޤު، ނިޔާޒު ސ.ހިތަދޫ އިން އެމަނިކުފާނު ލިޔުއްވާފައިވާ އައު ދެ ފޮތް އައްޑޫ ސިޓީ ކައުންސިލާ ހަވާލުކޮށްފިއެވެ. މި ދެ ފޮތަކީ "ޔާހުމްބަރާހުގެ މަރު ދަތުރު" އަދި "އައްޑޫ އަތޮޅު- އައްޑޫ ސިޓީ" އެވެ.
މި ފޮތްތައް ހަވާލުކުރުމަށް ބޭއްވުނު ޚާއްޞަ ބައްދަލުވުމެއްގައި، އަބްދުﷲ ޞާދިޤު މި ދެ ފޮތް ކައުންސިލަށް ހަދިޔާ ކުރެއްވިއެވެ. އެމަނިކުފާނުގެ މި މަސައްކަތަކީ އައްޑޫގެ ތާރީޚާއި ސަގާފަތް ދިރުވައި އާލާކުރުމަށް ކުރައްވާފައިވާ އަގުހުރި މަސައްކަތެކެވެ.
އަބްދުﷲ ޞާދިޤުގެ ގަލަމުން މިހާތަނަށް އައްޑޫ ސިޓީގެ ތާރީޚާއި ދިވެހި ސަގާފަތާ ގުޅޭ 6 ފޮތެއް ވަނީ ދިވެހި ފޮތުގެ ޚަޒާނާއަށް އިތުރުކޮށްދެއްވާފައެވެ. މި ފޮތްތަކަކީ އައްޑޫގެ ތާރީޚީ ލިޔެކިޔުންތަކުގެ ތެރެއިން އަގުހުރި މަސްދަރުތަކެއް ކަމުގައި ބެލެވެއެވެ.
އައްޑޫ ސިޓީގެ ތާރީޚާއި ސަގާފަތް ރައްކާތެރިކޮށް، ކުރިއަށް އޮތް ޖީލުތަކަށް ފޯރުކޮށްދިނުމުގައި މިފަދަ ފޮތްތަކުގެ މުހިންމުކަން ފާހަގަކުރެވެއެވެ. އަދި މިފަދަ މަސައްކަތްތަކަކީ ދިވެހި އަދަބިއްޔާތު މުއްސަނދިކުރުމަށް ލިބޭ ވަރަށް ބޮޑު ކުރިއެރުމެއް ކަމުގައިވެސް ދެކެވެއެވެ.
