ހުޅުމާލެ ދެވަނަ ފޭސްގައި ހުންނަ ވިނަރެސް ފްލެޓުގެ ޓަވަރުން ވެއްޓުނު ޒުވާނާ މަރުވެއްޖެއެވެ.
ފުލުހުން މިއަދު ބުނިގޮތުގައި އުމުރުން 18 އަހަރުގެ އެމީހާ ވެއްޓުނީ ވިނަރެސް ފްލެޓުތަކުގެ 8 ވަނަ ޓަވަރުންނެވެ.
އެނގިފައިވާ ގޮތުގައި އެމީހާ ވެއްްޓުނީ 7 ވަނަ ފްލޯއިންނެވެ.
އެމީހާ ހޮސްޕިޓަލަށް ގެންގޮސްފައިވަނީ ހަވީރު 4:30 ހާއިރުއެވެ. ހޮސްޕިޓަލަށް ގެނައިއިރުވެސް އޭނާގެ އެއްވެސް ހަރަކާތެއް ނެތެވެ.
އެނގިފައިވާ ގޮތުގައި އެ މީހާއަށް ބޭރުފުށުން ވަނީ ބޮޑެތި އަނިޔާތަކެއްވެފައެވެ.
މި މައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.
