ޓެކްސީ ލައިންގެ ޚިދުމަތަށް ޑްރައިވަރުން ހޯދުމަށްޓަކައި އަންނަ ހޯމަ ދުވަހު ވޯކް-އިން އިންޓަވިއު ބާއްވާނޭކަން އެމްޓިސީސީން އިއުލާނުކޮށްފިއެވެ.

ޑްރައިވަރުކަމުގެ ވަޒީފާއަށް އެދި ހުށެހެޅުމުގެ ފުރުސަތު 23 މާރިޗު 2026 އާ ހަމައަށް އޮންނާނޭ ކަމަށް އެމްޓިސީސީން މިއަދު "އެކްސް" ގައި ކުރި ޕޯސްޓުގައި ބުނެފައިވެއެވެ.

ވޯކް-އިން އިންޓަވިއުތައް ކުރިއަށްދާނީ މާރިޗު 23 ވަނަ ދުވަހުގެ ހެނދުނު 10:00 އިން ހަވީރު 4:00 ހަމައަށް މާފަންނު ބަސް ޓާމިނަލްގައެވެ. އިންޓަވިއުއަށް ދާއިރު، މުއްދަތު ހަމަނުވާ އައިޑީ ކާޑާއި ޑްރައިވިން ލައިސަންސް ގެންދަންޖެހެއެވެ.

މިއަހަރު ޖަނަވާރި މަހުގައިވެސް އެމްޓީސީސީއިން ވަނީ ޓެކްސީ ލައިނަށް ޑްރައިވަރުން ހޯދުމަށް ވޯކް-އިން އިންޓަވިއުތަކެއް ބާއްވާފައެވެ. އެގޮތުން އެ ކުންފުނިން އެފަހަރު ބޭއްވި އިންޓަވިއުގައި ޖުމްލަ 407 ޑްރައިވަރުން ހޯދުމަށް ފުރުސަތު ހުޅުވިއެވެ. އެއީ 122 ޕާޓް ޓައިމް ވަޒީފާއާއި 285 ފުލް ޓައިމް ވަޒިފާއެވެ.