މި އޮޕަރޭޝަން ހިންގާފައިވަނީ ޤާނޫނާ ހިލާފަށް ވިޔަފާރިކުރާ އަދި ޞައްޙަ ވިސާއެއް ނެތި ދިރިއުޅޭ ބިދޭސީން އަނބުރާ ގައުމަށް ފޮނުވާލުމުގެ މަސައްކަތުގެ ދަށުން ކަމަށް ފުލުހުން މިއަދު ބުނެފައިވެ އެވެ. މި މަސައްކަތަކީ މުޖުތަމަޢުގެ ސަލާމަތާއި ރައްކާތެރިކަން ކަށަވަރުކޮށް، އިޖްތިމާޢީ ހަމަޖެހުމާއި އިޤްތިޞާދީ ދުޅަހެޔޮކަން ދެމެހެއްޓުމަށް ކުރާ މުހިންމު މަސައްކަތެއް ކަމަށް ވެސް ފުލުހުން ފާހަގަކުރެ އެވެ.

އިމިގްރޭޝަނުން ދެއްވާފައިވާ ތަފްޞީލުތަކަށް ބަލާއިރު، ގިނަ އަދަދެއްގެ ބިދޭސީން ވިޔަފާރީގެ ހަރަކާތްތަކުގައި އުޅޭކަން ފާހަގަ ކުރެވިފައިވާ ކަރަންކާ މަގާއި އެ މަގާ ގުޅިފައިވާ ގޯޅިތަކާއި ސަރަހައްދުތައް ހިމެނޭހެން ރޭ ކުރިއަށް ގެންދިޔަ މި އޮޕަރޭޝަނުގައި ޖުމްލަ 347 ބިދޭސީއަކު ވަނީ ޗެކުކުރެވިފަ އެވެ.

ގަވާއިދާ ހިލާފަށް ދިރިއުޅޭ ބިދޭސީން ހޯދުމަށް އިމިގްރޭޝަނުން މިފަދަ ހާއްސަ އޮޕަރޭޝަންތައް ގަވާއިދުން ކުރިއަށް ގެންދެ އެވެ. އަދި މިފަދަ މީހުންނާ ގުޅޭ މައުލޫމާތު ހިއްސާކުރުމަށް ވަނީ ހާއްސަ ޕޯޓަލެއް ވެސް ތައާރަފުކޮށްފަ އެވެ.