އިސްލާމިކް މިނިސްޓަރު، މުހައްމަދު ޝަހީމް އަލީ ސައީދުގެ ދަރިކަލުން، އަބްދުالله މާހިލް ޝަހީމް ރާއްޖެއަށް އައިއިރު، ވޭޕް ކުރާ ސާމާނުތަކެއް ރާއްޖެއަށް އެތެރެކުރަން އުޅުމުން ކަސްޓަމްސްއިން ހިފަހައްޓައިފި އެވެ.
މާހިލް އަކީ ރައީސް މުހައްމަދު މުއިއްޒަށް ލަފާ އަރުވާ ޔޫތު އެޑްވައިޒަރީ ބޯޑުގެ މެންބަރެކެވެ. އޭގެއިތުރުން އޭނާއަކީ ފޮރިން މިނިސްޓްރީގެ މަގާމެއް ވެސް ފުރުއްވަމުން ގެންދަވާ ބޭފުޅެކެވެ.
އެނގިފައިވާ ގޮތުގައި ވޭޕް ކުރާ ސާމާނު ފެނުނީ މާހިލް ރާއްޖެއަށް އައިއިރު ގެނައި ލަގެޖާއި ހަށިގަނޑުންނެވެ. ވަރަށް ގިނަ އަދަދެއްގެ ވޭޕު ސާމާނު މާހިލްގެ ހަށިގަނޑުގައި ބަނދެފައި ވެސް ހުއްޓެވެ.
މި މައްސަލައިގައި ރަސްމީ އިދާރާއަކުން އަދި އެއްވެސް މައުލޫމާތެއް ހާމައެއް ނުކުރެއެވެ.
ނަމަވެސް އެނގިފައިވާ ގޮތުގައި އޭނާ ހިފަހައްޓައި ބޮޑު ޖޫރިމަނާއެއް ވަނީ ކޮށްފައެވެ.
