އައްޑޫ ސިޓީގެ ފޭދޫ ކައިރީގައި އަޅައިފައި އޮތް ޑައިވިން ދޯންޏެއްގައި ރޯވެއްޖެއެވެ.
އެމްއެންޑީއެފުން ބުނީ، ފޭދޫ ބަނދަރު ބޭރުގައި އަޅައިފައި އޮތް ޑައިވިން ދޯންޏެއްގައި އަލިފާން ރޯވެގެން ސަދަން އޭރިއާ ކޮމާންޑް ފަޔާ ސްޓޭޝަނުން ހަރަކާތްތެރިވަމުން އަންނަ ކަމަށެވެ.
އެ ހާދިސާގެ ފޮޓޯތަކުން ފެންނަ ގޮތުގައި، ދޯނީގައި ވަރަށް ބޮޑަށް ރޯވެ ކަޅު ދުން އަރަމުންދެއެވެ.
އެނގިފައިވާ ލިބިފައިވާ ގޮތުގައި އެ ހާދިސާގައި އެއްވެސް މީހަކަށް އަނިޔާވެފައިނުވެއެވެ. ނަމަވެސް ދޯނި ބޭނުން ނުކުރެވޭ ވަރަށް އަނދައިފައިވާ ކަމަށް މައުލޫމާތު ލިބިފައިވެއެވެ.
