އީރާނުގެ ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަކޮށްލުމާ ގުޅިގެން، އެކަން ހަރުކަށި އިބާރާތުން ކުށްވެރިކުރައްވައި ކުރީގެ ރައީސް އަލްއުސްތާޒު މައުމޫން އަބްދުލްގައްޔޫމް މެސެޖެއް ފޮނުއްވައިފިއެވެ.

ސޯޝަލް މީޑިއާ ޕްލެޓްފޯމް އެކްސްގައި ކުރެއްވި ޕޯސްޓެއްގައި ރައީސް މައުމޫން ވިދާޅުވީ، އިޚްލާސްތެރި މުސްލިމެއްގެ ހައިސިއްޔަތުން، އީރާނުގެ ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަކޮށްލުމަށް ހިންގި ލާއިންސާނީ އަމަލު އެމަނިކުފާނު ކުށްވެރިކުރައްވާ ކަމަށެވެ.

https://x.com/maumoonagayoom/status/2028507462786244958?s=20

ރައީސް މައުމޫންގެ މެސެޖުގައި އިތުރަށް ވިދާޅުވީ، "މާތްﷲ އެމަނިކުފާނުގެ ފުރާނަފުޅަށް ބަރަކާތް ލައްވައި، މި ފުން ހިތާމައިގެ ވަގުތުގައި އެމަނިކުފާނުގެ އާއިލާއަށާއި އީރާނުގެ ރައްޔިތުންނަށް ކެތްތެރިކަން ދެއްވާށި!" މިފަދައިންނެވެ.

މި ހާދިސާއާ ގުޅިގެން ދުނިޔޭގެ އެކި ކަންކޮޅުތަކުން ކަންބޮޑުވުން ފާޅުކުރަމުންދާއިރު، ރައީސް މައުމޫން ވަނީ އީރާނުގެ ރައްޔިތުންނަށް ކުރިމަތިވެފައިވާ މި ހިތާމަވެރި ދަނޑިވަޅުގައި އެ ގައުމާ އެކު ހުންނެވިކަން ހާމަކުރައްވާފައެވެ.