އީރާނުން ގަތަރާ ދިމާލަށް ދަތުރުކުރި ދެ ހަނގުރާމަމަތީ ބޯޓެއް ގަތަރުގެ ވައިގެ ސިފައިން ކާމިޔާބުކަމާއެކު ވައްޓާލާފައިވާ ކަމަށް އެ ގައުމުގެ ޑިފެންސް މިނިސްޓްރީން ހާމަކޮށްފިއެވެ.

ގަތަރުގެ ޑިފެންސް މިނިސްޓްރީން ނެރުނު ބަޔާނެއްގައި ބުނެފައިވަނީ، އެ ގައުމުގެ ކަނޑުގެ އަދި ވައިގެ ދިފާއީ ނިޒާމުތަކުން އީރާނުގެ ހަތް ބެލިސްޓިކް މިސައިލެއް ވައްޓާލާފައިވާ ކަމަށެވެ. މީގެ އިތުރުން އީރާނުން ފޮނުވާލި ފަސް ޑްރޯންއެއް ވެސް ހުއްޓުވާފައިވާ ކަމަށް އެ މިނިސްޓްރީން ބުނެފައިވެއެވެ.

https://x.com/MOD_Qatar/status/2028495558319435876?s=20

މި ހަމަލާތަކާ ގުޅޭގޮތުން ޑިފެންސް މިނިސްޓްރީން ބުނީ، "ނުރައްކާ ފާހަގަކުރެވުނު ވަގުތުން ފެށިގެން، އޮޕަރޭޝަނަލް ޕްލޭނާ އެއްގޮތަށް ވަގުތުން ފިޔަވަޅު އެޅިފައިވާ" ކަމަށެވެ. އަދި ހުރިހާ މިސައިލްތަކެއް އެ ތަކެތީގެ އަމާޒަށް ވާސިލްވުމުގެ ކުރިން ވައްޓާލާފައިވާ ކަމަށް ވެސް އެ ބަޔާނުގައި ފާހަގަކޮށްފައިވެއެވެ.