އެމެރިކާގެ އަސްކަރީ މަތިންދާބޯޓުތަކުގެ ބޮޑުބައެއް ސައިޕްރަސްއަށް ބަދަލުކޮށްފައިވާތީ، އެ ގައުމަށް ގިނަ އަދަދެއްގެ މިސައިލް ހަމަލާތަކެއް ދޭނެ ކަމުގެ އިންޒާރު އީރާނުގެ ޖެނެރަލް ޖައްބާރީ ދެއްވައިފިއެވެ.
ޖެނެރަލް ޖައްބާރީ ވިދާޅުވީ، އެމެރިކާއިން އެ ގައުމުގެ ވައިގެ ސަފުތައް ސައިޕްރަސްއަށް ޖަމާކުރަމުންދާކަން ފާހަގަކުރެވިފައިވާ ކަމަށެވެ. އަދި މިކަމާ ގުޅިގެން އީރާނުން ސައިޕްރަސްއަށް އަމާޒުކޮށް ވަރުގަދަ މިސައިލް ހަމަލާތަކެއް ފޮނުވާލާނެ ކަމަށް އޭނާ ވިދާޅުވިއެވެ.
"އެމެރިކާއިން ވަނީ އެމީހުންގެ މަތިންދާބޯޓުތަކުގެ ބޮޑުބައެއް ސައިޕްރަސްއަށް ބަދަލުކޮށްފައި. އަޅުގަނޑުމެން ސައިޕްރަސްއަށް އެހާ ގިނަ މިސައިލް ފޮނުވާލާނަން، އެތަނުންވެސް ފިލައިގެން ދާން އެމީހުންނަށް މަޖުބޫރުވާނެ،" ޖެނެރަލް ޖައްބާރީ ވިދާޅުވިއެވެ.
މި ބަޔާނަކީ ސަރަހައްދީ މަސްލަހަތު ގޯސްވަމުންދާ ދަނޑިވަޅެއްގައި، އެމެރިކާގެ އަސްކަރީ ހަރަކާތްތަކަށް ރައްދު ދިނުމުގެ ގޮތުން އީރާނުން ދީފައިވާ ވަރުގަދަ އިންޒާރެކެވެ. މިކަމާ ގުޅޭގޮތުން އެމެރިކާގެ ދިފާއީ ވުޒާރާއިން އަދި ވަކި އެއްޗެއް ބުނެފައެއް ނުވެއެވެ.
