އީރާނުގެ ރޫހީ މީރުޝީދު އަޔާތުﷲ އަލީ ޚާމަނާއީގެ އަނބިކަނބަލުން މަންސޫރާ ހޮޖަސްތޭ ބާގިރްޒާދާ، ދެވުނު ހަމަލާއެއްގައި ލިބުނު އަނިޔާތަކަށް ފަރުވާ ހޯއްދަވަމުން ދަނިކޮށް އަވަހާރަވެއްޖެ ކަމަށް އެ ގައުމުގެ މީޑިއާތަކުން ރިޕޯޓްކޮށްފިއެވެ.
އީރާނުގެ މީޑިއާތަކުން މި ޚަބަރު ފަތުރާފައިވަނީ މަންސޫރާ ހޮޖަސްތޭ ބާގިރްޒާދާ "ޝަހީދު" ވެފައިވާ ކަމަށް ބަޔާންކޮށެވެ. އެކަމަނާ އަވަހާރަވީ ދެވުނު ހަމަލާއެއްގައި ލިބުނު ސީރިއަސް އަނިޔާތަކަށް ފަރުވާ ދެމުން ދަނިކޮށް ކަމަށް މައުލޫމާތު ލިބެއެވެ.
މި ހަމަލާއާ ގުޅޭ އިތުރު ތަފްސީލުތަކާއި، ހަމަލާ ދެވުނު ތަނާއި ވަގުތު އަދި މިކަމުގެ ފަހަތުގައިވަނީ ކޮން ބައެއްކަން އީރާނުގެ ރަސްމީ އިދާރާތަކުން އަދި ސާފުކޮށް ހާމަކޮށްފައެއް ނުވެއެވެ. ނަމަވެސް، މިއީ އީރާނުގެ އެންމެ މަތީ ވެރިޔާގެ އާއިލާއަށް އަމާޒުކޮށް ދެވުނު ވަރުގަދަ ހަމަލާއެއްގެ ގޮތުގައި ބެލެވެއެވެ.
މަންސޫރާ ހޮޖަސްތޭ ބާގިރްޒާދާ އަކީ އާންމުކޮށް މީޑިއާތަކުގެ ކުރިމައްޗަށް ވަޑައިގަންނަވާ ބޭފުޅެއް ނޫން ނަމަވެސް، އެކަމަނާއަކީ އީރާނުގެ ސިޔާސީ އަދި ދީނީ މައިދާނުގައި ނުފޫޒުގަދަ އާއިލާއެއްގެ މުހިންމު މެންބަރެކެވެ. މި ހާދިސާއާ ގުޅިގެން އީރާނުގެ މަސްރަހު އިތުރަށް ނުތަނަވަސްވެގެންދާނެ ކަމަށް މަސްރަހު ދިރާސާކުރާ ފަރާތްތަކުން ލަފާކުރެއެވެ.
