ރައީސް ޔާމީން އަބްދުލް ގައްޔޫމް އާ އެކު ގައި ސިޔާސީ މަސައްކަތް ކުރަށްވަން ތައްޔާރަށް ތިއްބެވި ކަމަށް ރައީސް މުހައްމަދު ނަޝީދު އާއި ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
އެމްޑީޕީގެ ދެ ރައީސުން މިކަން އިއުލާން ކުރީ މިއަދު ބޭއްވި ބައްދަލުވުމަކަށް ފަހު ނޫސްވެރިންނާ ބައްދަލު ކުރަށްވާ ދެއްކެވި ވާހަކަފުޅުގައެވެ. އެގޮތުން ރައީސް ރައީސް ޞާލިޙް ވިދާޅުވީ، ކުރީގެ ރައީސުންނާ އެކު ގުޅިގެން މި ސަރުކާރު ޖަވާބުދާރީ ކުރުމަށް ކުރެވޭނެ ކަންތައްތައް ހުރި ކަމަށެވެ.
"ރައީސް ޔާމީން އާ އެކު ވެސް އަޅުގަނޑުމެންނަށް މަސައްކަތް ކުރެވޭނެ،" ދެ ރައީސުން ވިދާޅުވި އެވެ. ކުރީގެ ރައީސް ނަޝީދު ވިދާޅުވީ ރައީސް މައުމޫނު އާ އެކުވެސް އެމްޑީޕީ އިން ކުރިން މަސައްކަތް ކުރި ކަމަށެވެ.
މީގެ އިތުރުން، ދެ ރައީސުން ވިދާޅުވީ މިހާރު ގައުމު މި އޮތް ހާލަތުން ކުރަން ޖެހޭ ބައިވަރު މަސައްކަތް އެބަހުރި ކަމަށެވެ. އަދި އެކަންކަން ކުރުމުގައި ރައީސް ޔާމީންގެ ހިއްސާއެއް އައުމަކީ ދެ ބޭފުޅުން ވެސް އެދިވަޑައިގަންނަވާ ކަމެއްކަމަށް ދެ ރައީސުންވެސް މިއަދު ވިދާޅުވިއެވެ.
