އެމްޕީއެލް (މޯލްޑިވްސް ޕޯޓްސް ލިމިޓެޑް) ގެ ބަނދަރުގެ ހާލަތު ބައްލަވައިލެއްވުމަށް ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމާއި، މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީ (241 ކޮމިޓީ) ގެ މުޤައްރިރު އަހުމަދު ސަލީމް (ރެޑްވޭވް) އެތަނަށް ޒިޔާރަތްކުރައްވައިފައެވެ.
މި ދަތުރުފުޅުގައި އެ ދެ ބޭފުޅުން ވަނީ މާލޭ ވިޔަފާރި ބަނދަރު ސަރަހައްދުގައި ހަރަކާތްތެރިވެފައެވެ. އަދި އެމްޕީއެލްގެ ސީއީއޯ މުހައްމަދު ރިޝްވާނާއި ކުންފުނީގެ އިސްވެރިންނާ ބައްދަލުކުރައްވައި، ބަނދަރުގެ މަސައްކަތްތަކާ ގުޅޭ ގޮތުން މަޝްވަރާކުރައްވާފައިވެއެވެ. މި މަޝްވަރާތަކުގައި ބަނދަރުގެ މިހާރުގެ ހާލަތާއި ދިމާވާ ދަތިތަކުގެ މައުލޫމާތު ރިޝްވާން ވަނީ ހިއްސާކުރައްވާފައެވެ.
މި ޒިޔާރަތާ ގުޅޭގޮތުން ނާޒިމް 'މިހާރު' އަށް ވިދާޅުވެފައިވަނީ، އެބޭފުޅުން އެތަނަށް ވަޑައިގެންނެވީ ބަނދަރުގެ ހާލަތު ދެނެގަނެ، ދިމާވެފައިވާ މައްސަލަތައް ފާހަގަކުރުމުގެ މަޤްސަދުގައި ކަމަށެވެ. ފަހަކަށް އައިސް ވިޔަފާރި ބަނދަރުގައި ގިނަ މައްސަލަތައް ފެންމަތިވަމުންދާތީ، އެކަންކަން ޙައްލުކުރުމަށްޓަކައި ބަނދަރުގެ ހާލަތު ރަނގަޅަށް ދެނެގަތުން މުހިންމުކަން އޭނާ ފާހަގަކުރެއްވިއެވެ.
241 ކޮމިޓީގެ މެންބަރެއްގެ ހައިސިއްޔަތުން ވެސް މަސައްކަތްކުރައްވާ ނާޒިމް ވިދާޅުވީ، "އަސްލު ހާލަތު އަޅުގަނޑުމެން ދެނެގަތުން" މިއީ އެބޭފުޅުންގެ ބޭނުން ކަމަށެވެ. އަދި އެކަކު އަނެކަކުގެ ބޮލުގައި ކަންކަން އެޅުވުމުގެ ބަދަލުގައި، ހާލަތު ދެނެގަނެގެން މައްސަލަތައް ޙައްލުކުރުމަށް މަސައްކަތްކުރައްވަމުން ގެންދަވާ ކަމަށް އޭނާ ވިދާޅުވިއެވެ.
މީގެ އިތުރުން، އެތެރެކުރާ ކޮންޓެއިނަރުތައް ސްކޭންކުރުމަށް ބޭނުންވާ ސިސްޓަމް ބަހައްޓާނެ ޖާގަ ބަނދަރުގައި ހުރިތޯ ބަލައި، އެ މަސައްކަތް ކުރިއަށް ގެންދެވޭނެ ގޮތެއް ހޯދުމަކީ ވެސް މި ޒިޔާރަތުގެ އެއް މަޤްސަދު ކަމަށް ނާޒިމް ފާހަގަކުރެއްވިއެވެ. ކަސްޓަމްސް އިން މި ސިސްޓަމް ގާއިމުކުރުމުގެ މަސައްކަތް ފަށާފައިވާއިރު، ބަޖެޓު ކޮމިޓީއަށް ފިނޭންސް މިނިސްޓަރު މޫސާ ޒަމީރު ވަނީ އެކަމަށް ބޭނުންވާ ފައިސާ ހަމަޖައްސައިދެއްވާނެ ކަމުގެ ޔަޤީންކަން ދެއްވާފައެވެ. މި ސިސްޓަމް ގާއިމުކުރުމުން މިހާރު ދިމާވާ ގިނަ މައްސަލަތަކަށް ޙައްލު ލިބޭނެ ކަމަށް ކަސްޓަމްސް އާއި އެމްޕީއެލް އިން ވެސް ވަނީ ބުނެފައެވެ.
މިދިޔަ ދުވަސްތަކުގައި ކަސްޓަމްސްގެ އެކި މައްސަލަތައް ފާހަގަކުރެވިގެން 241 ކޮމިޓީން ވަނީ ތަހުގީގެއް ހިންގައި، ރިޕޯޓެއް އެކުލަވާލާފައެވެ. އެ ރިޕޯޓުގައި ބަނދަރުތަކުގެ ސަލާމަތީ ބައެއް ކަންކަން ކަސްޓަމްސް އަމަލުކުރާ ގޮތުން ބޮއްސުންލާފައިވާކަން ފާހަގަކޮށްފައިވެއެވެ.
އަދި މިހާރު ވެސް އެ ކޮމިޓީން ދަނީ، މިދިޔަ އޭޕްރީލް މަހު ރާއްޖެއަށް ވަގަށް އެތެރެކުރަން އުޅެނިކޮށް ކަސްޓަމްސް އިން ހިފެހެއްޓި 13.6 މިލިއަނަށް ވުރެ ގިނަ ސިނގިރޭޓް އެމްޕީއެލް ބަނދަރުގައި ބެހެއްޓިފައި ހުއްޓާ ގެއްލުނު މައްސަލަ ތަހުގީގުކުރަމުންނެވެ. މި މައްސަލައާ ގުޅިގެން ވެސް ބަނދަރުގެ ސަލާމަތީ ކަންކަމުގައި ހުރި ދޯހަޅިކަން ދެނެގަތުމުގެ މަސައްކަތް ކޮމިޓީން ދަނީ ކުރަމުންނެވެ.
ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމާއި، މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީ (241 ކޮމިޓީ) ގެ މުޤައްރިރު އަހުމަދު ސަލީމް (ރެޑްވޭވް) ވަނީ އެމްޕީއެލް (މޯލްޑިވްސް ޕޯޓްސް ލިމިޓެޑް) ގެ ބަނދަރުގެ ހާލަތު ބައްލަވައިލެއްވުމަށް އެތަނަށް ޒިޔާރަތްކުރައްވައިފައެވެ.
މި ދަތުރުފުޅުގައި އެ ދެ ބޭފުޅުން ވަނީ މާލޭ ވިޔަފާރި ބަނދަރު ސަރަހައްދުގައި ހަރަކާތްތެރިވެފައެވެ. އަދި އެމްޕީއެލްގެ ސީއީއޯ މުހައްމަދު ރިޝްވާނާއި ކުންފުނީގެ އިސްވެރިންނާ ބައްދަލުކުރައްވައި، ބަނދަރުގެ މަސައްކަތްތަކާ ގުޅޭ ގޮތުން މަޝްވަރާކުރައްވާފައިވެއެވެ. މި މަޝްވަރާތަކުގައި ބަނދަރުގެ މިހާރުގެ ހާލަތާއި ދިމާވާ ދަތިތަކުގެ މައުލޫމާތު ރިޝްވާން ވަނީ ހިއްސާކުރައްވާފައެވެ.
މި ޒިޔާރަތާ ގުޅޭގޮތުން ނާޒިމް 'މިހާރު' އަށް ވިދާޅުވެފައިވަނީ، އެބޭފުޅުން އެތަނަށް ވަޑައިގެންނެވީ ބަނދަރުގެ ހާލަތު ދެނެގަނެ، ދިމާވެފައިވާ މައްސަލަތައް ފާހަގަކުރުމުގެ މަޤްސަދުގައި ކަމަށެވެ. ފަހަކަށް އައިސް ވިޔަފާރި ބަނދަރުގައި ގިނަ މައްސަލަތައް ފެންމަތިވަމުންދާތީ، އެކަންކަން ޙައްލުކުރުމަށްޓަކައި ބަނދަރުގެ ހާލަތު ރަނގަޅަށް ދެނެގަތުން މުހިންމުކަން އޭނާ ފާހަގަކުރެއްވިއެވެ.
241 ކޮމިޓީގެ މެންބަރެއްގެ ހައިސިއްޔަތުން ވެސް މަސައްކަތްކުރައްވާ ނާޒިމް ވިދާޅުވީ، "އަސްލު ހާލަތު އަޅުގަނޑުމެން ދެނެގަތުން" މިއީ އެބޭފުޅުންގެ ބޭނުން ކަމަށެވެ. އަދި އެކަކު އަނެކަކުގެ ބޮލުގައި ކަންކަން އެޅުވުމުގެ ބަދަލުގައި، ހާލަތު ދެނެގަނެގެން މައްސަލަތައް ޙައްލުކުރުމަށް މަސައްކަތްކުރައްވަމުން ގެންދަވާ ކަމަށް އޭނާ ވިދާޅުވިއެވެ.
މީގެ އިތުރުން، އެތެރެކުރާ ކޮންޓެއިނަރުތައް ސްކޭންކުރުމަށް ބޭނުންވާ ސިސްޓަމް ބަހައްޓާނެ ޖާގަ ބަނދަރުގައި ހުރިތޯ ބަލައި، އެ މަސައްކަތް ކުރިއަށް ގެންދެވޭނެ ގޮތެއް ހޯދުމަކީ ވެސް މި ޒިޔާރަތުގެ އެއް މަޤްސަދު ކަމަށް ނާޒިމް ފާހަގަކުރެއްވިއެވެ. ކަސްޓަމްސް އިން މި ސިސްޓަމް ގާއިމުކުރުމުގެ މަސައްކަތް ފަށާފައިވާއިރު، ބަޖެޓު ކޮމިޓީއަށް ފިނޭންސް މިނިސްޓަރު މޫސާ ޒަމީރު ވަނީ އެކަމަށް ބޭނުންވާ ފައިސާ ހަމަޖައްސައިދެއްވާނެ ކަމުގެ ޔަޤީންކަން ދެއްވާފައެވެ. މި ސިސްޓަމް ގާއިމުކުރުމުން މިހާރު ދިމާވާ ގިނަ މައްސަލަތަކަށް ޙައްލު ލިބޭނެ ކަމަށް ކަސްޓަމްސް އާއި އެމްޕީއެލް އިން ވެސް ވަނީ ބުނެފައެވެ.
މިދިޔަ ދުވަސްތަކުގައި ކަސްޓަމްސްގެ އެކި މައްސަލަތައް ފާހަގަކުރެވިގެން 241 ކޮމިޓީން ވަނީ ތަހުގީގެއް ހިންގައި، ރިޕޯޓެއް އެކުލަވާލާފައެވެ. އެ ރިޕޯޓުގައި ބަނދަރުތަކުގެ ސަލާމަތީ ބައެއް ކަންކަން ކަސްޓަމްސް އަމަލުކުރާ ގޮތުން ބޮއްސުންލާފައިވާކަން ފާހަގަކޮށްފައިވެއެވެ.
އަދި މިހާރު ވެސް އެ ކޮމިޓީން ދަނީ، މިދިޔަ އޭޕްރީލް މަހު ރާއްޖެއަށް ވަގަށް އެތެރެކުރަން އުޅެނިކޮށް ކަސްޓަމްސް އިން ހިފެހެއްޓި 13.6 މިލިއަނަށް ވުރެ ގިނަ ސިނގިރޭޓް އެމްޕީއެލް ބަނދަރުގައި ބެހެއްޓިފައި ހުއްޓާ ގެއްލުނު މައްސަލަ ތަހުގީގުކުރަމުންނެވެ. މި މައްސަލައާ ގުޅިގެން ވެސް ބަނދަރުގެ ސަލާމަތީ ކަންކަމުގައި ހުރި ދޯހަޅިކަން ދެނެގަތުމުގެ މަސައްކަތް ކޮމިޓީން ދަނީ ކުރަމުންނެވެ.
