އަވަށްޓެރި ގައުމަކުން ހަމަލާއެއް ނުދޭހާ ހިނދަކުން އެއިން ގައުމަކަށް ހަމަލާ ނުދޭނެ ކަމަށް އީރާނުން ބުނެފި އެވެ.

އިޒްރޭލާއި އެމެރިކާއިން އީރާނަށް ހަމަލާ ދިނުމުން ރައްދުގައި އީރާނުން ވަނީ އަވަށްޓެރި ގައުމުތަކުގައި ހުރި އެމެރިކާގެ އަސްކަރީ މަރުކަޒުތަކަށް ހަމަލާދީފަ އެވެ.

އީރާނުގެ ރައީސް މަސްއޫދު ޕެޒެޝްކިއަން ވިދާޅުވީ އަވަށްޓެރި އެއްވެސް ގައުމަކުން އީރާނަށް ގަމަލާއެއް އަމާޒުނުވާހާ ހިނދަކު އެއްވެސް އަވަށްޓެރި ގައުމަކަށް އީރާނުން ދެން ހަމަލާ ނުދޭނެ ކަމަށެވެ.

އީރާނުގެ މީޑިއާތަކުން ރިޕޯޓްކޮށްފައިވާ ގޮތުގައި، ފާއިތުވި ދުވަސްތަކުގައި އަވަށްޓެރި ގައުމުތަކަށް އަމާޒުވި ހަމަލާތަކާ ގުޅިގެން އީރާނުގެ ރައީސް ވަނީ އެ ގައުމުތަކުގެ ކިބައިން މައާފަށް އެދިވަޑައިގެންފަ އެވެ.

މިއީ ކުޑަ ނަމަވެސް މަސްރަހު ފިނިކުރުމަށް އެޅުނު މުހިންމު ފިޔަވަޅެއް ކަމަށް އީރާނުގެ ރައީސްގެ ބަޔާނުގައި ފާހަގަކުރެއްވި އެވެ.

ރިޕޯޓްތައް ބުނާ ގޮތުން އީރާނުގެ 170 އަށްވުރެ ގިނަ ސިޓީއަށް ފާއިތުވި ދުވަސްތަކުގައި އިޒްރޭލާއި އެމެރިކާއިން ވަނީ ހަމަލާދީފަ އެވެ.