ލުބުނާނުގެ ބޯޑަރު ކައިރީގައި ހިނގި އަސްކަރީ ކުރިމަތިލުންތަކެއްގައި އިސްރާއީލުގެ މާލީ ވަޒީރު ބެޒަލްއެލް ސްމޮޓްރިޗްގެ ދަރިއަކާއި އެ ގައުމުގެ އިތުރު ސިފައިންތަކަކަށް އަނިޔާވެފައިވާ ކަމަށް އިސްރާއީލުގެ އަސްކަރީ ރޭޑިއޯއިން ހާމަކޮށްފިއެވެ.
ލުބުނާނުގެ މީޑިއާތަކުން ރިޕޯޓްކުރާ ގޮތުގައި، އިސްރާއީލުން ބައިރޫތުގެ ދެކުނު ސަރަހައްދުތަކަށް އަމާޒުކޮށް ދެމުންދާ ވަރުގަދަ ހަމަލާތަކުގެ ތެރެއިން، އެންމެ ފަހުން ދިން ވައިގެ ހަމަލާތަކުގައި އެކަނިވެސް 15 އަށްވުރެ ގިނަ ހަމަލާ އެ ސަރަހައްދަށް ވަނީ އަމާޒުކޮށްފައެވެ.
މީގެ އިތުރުން، އިސްރާއީލުގެ އިސްތިއުމާރީ ސިފައިން މިއަދުވެސް ދަނީ ލުބުނާނުގެ ދެކުނުގެ ސަރަހައްދުތަކަށް މެދުކެނޑުމެއްނެތި ވަރުގަދަ ހަމަލާތަކެއް ދީ، އެ ސަރަހައްދަށް ބޮޑެތި ގެއްލުންތަކެއް ދެމުންނެވެ.
