އީރާނުން އެއްވެސް ޝަރުތަކާ ނުލައި އަމާންދިނުމަށް ޓްރަމްޕް ގޮވާލައްވައިފިއެވެ.
ޓްރުތު ސޯޝަލްގައި ޓްރަމްޕް ވިދާޅުވެފައިވަނީ، އީރާނުން އެއްވެސް ޝަރުތަކާ ނުލައި އަމާންދީގެން މެނުވީ އެ ގައުމާއެކު އެއްވެސް ސިޔާސީ އެއްބަސްވުމެއް ގާއިމުނުކުރައްވާނެ ކަމަށެވެ.
މީސްމީޑިއާގައި ކުރެއްވި ޕޯސްޓެއްގައި ޓްރަމްޕް ވަނީ، އޭނާ ގަބޫލުކުރައްވާ ފަދަ "މަގުބޫލު" އައު ލީޑަރުންތަކެއް އީރާނުގެ ވެރިކަމަށް ގެންނަން ޖެހޭ ކަމަށް ވިދާޅުވެފައެވެ.
އަދި އެފަދަ ބަދަލަކަށްފަހު، އީރާނުގެ ހާލަތު ރަނގަޅުކޮށް އިއާދަކުރުމަށްޓަކައި އެމެރިކާއާއި އެ ގައުމުގެ ބައިވެރިވާ ގައުމުތަކުން އެހީތެރިކަން ފޯރުކޮށްދޭނެ ކަމަށްވެސް އޭނާ ވިދާޅުވިއެވެ.
