އީރާނުގެ ކުރީގެ ރައީސް މަހްމޫދު އަހުމަދީނިޖާދު، އިއްޔެ ދެވުނު ހަމަލާއެއްގައި ޝަހީދުވެފައިވާކަން އެ ގައުމުގެ މީޑިއާތަކުން ކަށަވަރުކޮށްދީފިއެވެ. މި ހާދިސާއާ ގުޅޭ އިތުރު ތަފްސީލުތައް އީރާނުގެ ރަސްމީ މަސްދަރުތަކުން މިހާރު ދަނީ އާންމުކުރަމުންނެވެ.
ރިޕޯޓްތައް ބުނާ ގޮތުގައި އަހުމަދީނިޖާދު އަވަހާރަވީ އިއްޔެގެ ވަގުތެއްގައި ދެވުނު ނުރައްކާތެރި ހަމަލާއެއްގެ ސަބަބުންނެވެ. ނަމަވެސް މި ހަމަލާ ދެވުނު ގޮތާއި، ހަމަލާގެ ފަހަތުގައިވަނީ ކޮން ބައެއްކަން އަދި ސާފުވެފައެއް ނުވެއެވެ.
މަހްމޫދު އަހުމަދީނިޖާދަކީ 2005 އިން 2013 އަށް އީރާނުގެ ރައީސްކަން ކުރެއްވި ބޭފުޅެކެވެ. އޭނާގެ ވެރިކަމުގައި އީރާނުގެ ޚާރިޖީ ސިޔާސަތަށާއި ދާޚިލީ ކަންކަމަށް ބޮޑެތި ބަދަލުތަކެއް އައިސްފައިވާކަން ފާހަގަކުރެވެއެވެ.
މި ހާދިސާއާ ގުޅިގެން އީރާނުގެ ސަރުކާރުން އަދި ރަސްމީ ބަޔާނެއް ނެރެފައެއް ނުވެއެވެ. އެހެންނަމަވެސް، ގައުމުގެ ސަލާމަތީ ބާރުތަކުން ދަނީ މި ހަމަލާއާ ގުޅިގެން ބަލަންޖެހޭ ކަންކަން ބަލަމުންނެވެ.
