އީރާނުން ދިން ޑްރޯން ހަމަލާއެއް ކުވައިތުގެ ބައިނަލްއަގުވާމީ އެއާޕޯޓަށް އަމާޒުވެއްޖެ އެވެ. މި ހަމަލާއާ ގުޅިގެން އެއާޕޯޓުގައި ތިބި ބައެއް މީހުންނަށް އެކި ވަރުގެ އަނިޔާތައް ލިބިފައިވާ ކަމަށް ރިޕޯޓުތައް ބުނެއެވެ.
ކުވައިތުގެ ކަމާބެހޭ އިދާރާތަކުން މިހާރު ދަނީ އެއާޕޯޓަށް ލިބިފައިވާ ގެއްލުންތައް ވަޒަންކުރުމުގެ މަސައްކަތް ކުރަމުންނެވެ. މީގެ އިތުރުން، އެއާޕޯޓުގެ ސަލާމަތީ ކަންކަން ވަރުގަދަކޮށް، އިތުރު ނުރައްކަލަކުން ސަލާމަތްވުމަށްޓަކައި އަޅަންޖެހޭ ފިޔަވަޅުތައް ދަނީ އަޅަމުންނެވެ.
މި ހަމަލާއަކީ މުޅި ސަރަހައްދުގެ މަސްރަހު ގޯސްވަމުންދާ ދަނޑިވަޅެއްގައި ދެވުނު ހަމަލާއެކެވެ. ރިޕޯޓުތައް ބުނާ ގޮތުގައި، މި ހާދިސާއާ ގުޅިގެން ކުވައިތުގެ ސަލާމަތީ ބާރުތަކުން ވަނީ މުޅި ސަރަހައްދުގައި ސަމާލުކަން އިތުރުކޮށްފައެވެ.
