ކުރީގެ މިނިސްޓަރު ހަމްދޫން އަބްދުﷲ ހަމީދު, މިނިސްޓަރު ފެންވަރުގައި ފިނޭންސް އެންޑް ޕްލޭނިން މިނިސްޓްރީގެ އެޑްވައިޒަރަކަށް އައްޔަންކުރައްވައިފިއެވެ.
ފިނޭންސްއިން މިއަދު މައުލޫމާތު ދިން ގޮތުގައި ހަމްދޫން އައްޔަންކުރައްވާފައިވަނީ އެ މިނިސްޓްރީގެ ދަށުން ހިންގާ ނެޝަނަލް ޕްލޭނިންގެ މަސައްކަތްތަކުގެ އެޑްވައިޒަރަކަށެވެ.
ކުރީގެ ވަޒީރު އަދި މަޖިލީހުގެ ރައީސްކަން ވެސް ކުރެއްވި އަބްދުالله ހަމީދުގެ ބޭފުޅެއް ކަމަށްވާ, ހަމްދޫން ވަނީ އޭނާގެ ބޮޑު ބޭބެ, މައުމޫން އަބްދުލްގައްޔޫމުގެ ވެރިކަމުގައި ޕްލޭނިން މިނިސްޓަރުކަން ކުރައްވައިފައެވެ. އަދި، ރައްޔިތުންގެ މަޖިލީހުގެ މެންބަރުކަން ވެސް ކުރެއްވެވިއެވެ. އޭގެ އިތުރުން ހަމްދޫންގެ ބޮޑުބޭބޭފުޅު ރައީސް އަބްދުالله ޔާމީންގެ ވެރިކަމުގައި ސަފީރުކަން ވެސް ކުރެއްވެވިއެވެ.
މި ސަރުކާރުން ހަމްދޫން މަގާމަށް އައްޔަންކުރެއްވި ސީދާ ދުވަހެއް, އަދި މުސާރައާއި އިނާޔަތުގެ ގޮތުގައި ދެއްވާ އަދަދުތަކުގެ ތަފުސީލެއް އަދި ހާމައެއް ނުކުރައްވަވައެވެ.
